СКЛАД І НАЦІСК
ТЭМА. СКЛАД І НАЦІСК (5 КЛАС)
Мэта: узнавіць і паглыбіць веды пра склад і націск; развіваць мову вучняў, уменне правільна ставіць націск; вучыць дзяліць словы на склады; узнавіць веды па правапісе е,ё-я, о,э-а; развіваць арфаграфічную пільнасць; выхоўваць любоў да роднай мовы.
Ход урока
І. Арганізацыйны момант
За вокнамі ўжо снежань, хутка Навагоднія святы. Настрой цудоўны! Таму на ўроку ў нас будуць пераважаць заданні, звязаныя з зімовай тэматыкай. Пачнем!
ІІ. Тэма і мэта ўрока. (Слайд 1). (Запіс тэмы ў сшыткі)
ІІІ. Актуалізацыя ведаў
1) Практ.221 (пісьмова)
- Што значыць, запісаць, падзяляючы словы на часткі ў адпаведнасці з паўзамі пры іх вымаўленні? (г.зн. – падзяляючы на склады)
2) Праца на ўзнаўленне ведаў па тэме з выкарыстаннем мультымедыа. (На слайдзе – тэрміны і пытанні па тэме, націскаючы на якія, паяўляецца іх тлумачэнне або адказы)
Чараўніца-зіма прынесла нам на сваіх зіхатлівых сняжынках пытанні. Давайце паспрабуем на іх адказаць (Слайд 2):
- Як вымаўляюцца часткі слоў: плаўна ці асобнымі штуршкамі паветра?
- Што такое склад?
- Як вызначыць, колькі ў слове складоў?
- Ці можа быць адзін галосны гук складам?
3) Знаёмства з правілам на стар.127
ФІЗКУЛЬТХВІЛІНКА ДЛЯ ВАЧЭЙ (Слайд 3)
4) Заданне “Знайдзі словы” (Слайд 4)
Да нас зноў прыляцелі сняжынкі і прынеслі новае заданне. Размяркуйце сняжынкі так, каб атрымаліся словы. Запішыце іх, падзяліўшы на склады.
- Праверка задання (Слайд 5)
ФІЗКУЛЬТХВІЛІНКА “Не памыліся, калі ласка”
Я буду падаваць каманды, але выконваць іх трэба толькі тады, калі я скажу “калі ласка”
- Устаньце, калі ласка.
- Падыміце рукі.
- Папляскайце, калі ласка.
- Патопайце.
- Паскачыце, калі ласка.
- Нахіліцеся, калі ласка.
- Прысядзьце.
- Станьце прама, калі ласка.
- Ціхенька сядзьце.
- Ціхенька сядзьце, калі ласка
5) Праца са словамі з папярэдняга задання
Падкрэсліце тыя склады ў словах, якія вымаўляюцца з большай сілай голасу і працягласцю.
- Як называюцца склады, якія вы падкрэслілі? (Націскныя)
- Што называецца націскам?
6) Знаёмства з правілам на стар.128
7) Праца з урыўкам з верша Н.Гілевіча (Слайд 6)
Спішыце, пастаўце націскі ў словах.
Лёгкія сняжынкі ў цішы…
Долу апускаюцца нясмела…
Светла ў полі, светла на душы…
Легкія сняжынкі ў цішы…
- Знайдзіце словы, у якіх націск уплывае на іх правапіс.
ІV. Замацаванне ведаў. (Праца на дошцы і ў сшытках)
- Зіма падрыхтавала для вас яшчэ адно заданне. Запішыце сказы пад дыктоўку, адразу падзяляючы словы на склады. Пастаўце націскі ў словах.
Прыйшла халодная зіма. Трашчаць моцныя маразы. Снежная мяцеліца гуляе над зямлёй.
- Падвядзенне вынікаў урока. Рэфлексія
- Што такое склад?
- Што такое націск?
- Чаму навучыліся на ўроку?
- Што было выконваць лёгка, а што выклікала ў вас цяжкасці?
- Ці спадабаўся вам урок?
- З якім настроем вы будзеце пакідаць урок?
VІ. Выстауленне адзнак за ўрок
VІІ. Дамашняе заданне (Слайд 7)
- 33, практ.228